ਖਾਲਿਸਤਾਨ
ਹਿੰਦੁਸਤਾਨੀ ਏਜੰਸੀਓ
ਘਬਰਾਓ ਨਾ
ਖਾਲਿਸਤਾਨ ਸਾਡਾ ਸੁਪਨਾ ਨਹੀਂ
ਨਾ.....ਬਿਲਕੁਲ ਨਹੀਂ
ਸੁਪਨੇ ਤਾਂ ਸੁੱਤਿਆਂ ਨੂੰ ਆਉਂਦੇ ਨੇ
ਤੇ ਅਸੀਂ
ਸੁੱਤੇ ਨਹੀਂ, ਸਾਉਣਾ ਚਾਹੁੰਦੇ ਵੀ ਨਹੀਂ
ਮਸਾਂ ਤਾਂ ਜਾਗੇ ਆਂ
ਤੇ ਜਾਗਣ ਵਾਲਿਆਂ ਨੇ
ਰੱਜ ਕੇ ਲੁੱਟਿਆ
ਬੇਤਹਾਸਾ ਕੁੱਟਿਆ
ਤੇ ਸਾਡੇ ਵਿੱਚੋਂ
ਕੋਈ ਜ਼ਿੰਦਾ ਜ਼ਮੀਰ ਕੁਰਲਾ ਉੱਠਿਆ
“ਸੁਣ ਐ ਤਖ਼ਤਾਂ ਵਾਲਿਆ, ਅਸੀਂ ਸਹਿ ਨਾ ਸਕੀਏ ਹੋਰ”
“ਬਾਰ ਪਰਾਏ ਮਾਲਕਾ, ਅਸੀਂ ਬਹਿ ਨਾ ਸਕੀਏ ਹੋਰ”
ਸੱਚਮੁੱਚ
ਲਾਲੀ ਅੱਖੀਆਂ ਦੀ ਪਈ ਦੱਸਦੀ ਐ
ਰੋਏ ਤੁਸੀਂ ਵੀ ਓ, ਤੇ ਰੋਏ ਅਸੀਂ ਵੀ ਆਂ
ਜਾਗਣ ਵਾਲਿਆਂ ਨੇ ਰੱਜ ਕੇ ਲੁੱਟਿਆ ਏ
ਸੋਏ ਤੁਸੀਂ ਵੀ ਓ, ਤੇ ਸੋਏ ਅਸੀਂ ਵੀ ਆਂ
ਮੂੰਹੋਂ ਨਾਂ ਕਹੀਏ ਭਾਵੇਂ ਪਰ ਵਿੱਚੋ ਵਿੱਚੀ
ਖੋਏ ਤੁਸੀਂ ਵੀ ਓ, ਤੇ ਖੋਏ ਅਸੀਂ ਵੀ ਆਂ
ਕੁਝ ਉਮੀਦ ਹੈ ਜ਼ਿੰਦਗੀ ਮਿਲ ਜਾਵੇ
ਮੋਏ ਤੁਸੀਂ ਵੀ ਓ, ਤੇ ਮੋਏ ਅਸੀਂ ਵੀ ਆਂ
ਤੇ ਸਾਨੂੰ ਜ਼ਿੰਦਗੀ
ਕਿਸੇ ਬੋਫੋਰਜ਼ ਘੁਟਾਲੇ
ਜਾਂ ਖੱਫ਼ਣਾਂ ਦੇ ਵਪਾਰ ’ਚੋਂ ਨਹੀਂ ਮਿਲਦੀ
ਸਾਡੀ ਜਿੰਦ ਸਾਡੀ ਜਾਨ
ਬੱਸ ਖਾਲਿਸਤਾਨ.....ਖਾਲਿਸਤਾਨ
ਇਹ ਤਾਂ ਉਹ ਲਮਹਾ ਹੈ ਜੋ ਖ਼ਤਮ ਨਹੀਂ ਹੁੰਦਾ
ਮੈਂ ਲੱਖ ਮਚਾ ਥਕਿਆਂ, ਪਰ ਇਹ ਭਸਮ ਨਹੀਂ ਹੁੰਦਾ
ਸੁਖਦੀਪ ਸਿੰਘ ਬਰਨਾਲਾ (ਧਰਮਯੁੱਧ ਕਿਤਾਬ ’ਚੋਂ)
ਵੀਰੋ ਬਹੁਤੇ ਪੰਜਾਬੀਆਂ ਦੇ ਜ਼ਮੀਰ ਮਰ ਚੁੱਕੀ ਏ, ਲੋਕਾਂ ਦੇ ਪਰਵਾਰ ਤੇ ਮੰਗਤਿਆਂ ਵਾਲੇ ਹੋਗਏ, ਲੋਕ ਸਰਕਾਰਾਂ ਵੱਲੋਂ ਝੂਟੇ ਬੁਰਕੇ ਤੇ ਹੀ ਸੰਤੁਸ਼ਟ ਨੇ, ਤੇ ਜ਼ਮੀਰ ਮਾਰ ਚੁਕੇ ਆ। ਤੇ ਆਪਣੇ ਵਿਰਸੇ ਨੂੰ ਭੁੱਲ ਚੁੱਕੇ ਨੇ। 
